 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Я высьветлю цябе зусім зьнянацку
Над ціхім і напорыстым радком.
Мэтафара – ты ёлачная цацка,
Ліловы чад над бацькавым грудком.
Калі нячутна сьнег ляціць над сьветам
I доўга не праходзяць маразы,
Ты нібы ў дар зьяўляесься паэту,
Зьдзіўляючы да чуйнае сьлязы.
Цябе ня раз лавілі, як какетку,
Прыклейвалі на чыстыя лісты.
Але заўжды была ты этыкетам
Народнае і мудрай прастаты.
Не адхіліць бы кволую былінку,
Не разьмяняць на дробязь пачуцьця!
О, гэта ты – нязгасная іскрынка:
Мэтафара сумненьня і жыцьця.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
